Hurumende inonzi yapa vana chiremba navana mukoti madhora maviri pamunhu yekushandisa neChishanu kuti vaende kumabasa.
Izvi zvinotevera danho rakatorwa navanachiremba navanamukoti rekuti havasi kuzoenda kumabasa sezvo hurumende yakundikana kuvabhadhara mwedzi uno.
Hurumende inoti ichabhdhara vashandi vayo vasati vabhadharwa musi wa 5 Ndira.
Mukuru wesangano reHealth Service Board, Dr Lovemore Mbengeranwa, vaudza Studio 7 kuti vari pazororo uye vati titaure negurukota rezvemari, VaPatrick Chinamasa, nezvenyaya iyi.
VaChinamasa pamwe negurukota rezvehutano, Dr David Parirenyatwa, vange vasiri kudaira nharembozha dzavo.
Mutungamiri weZimbabwe Hospital Doctors Association, Dr Fortune Nyamande, vanoti havasi kudzokera shura pahurongwa hwavo hwekuramwa mabasa.
Zvichakadaro, neChitatu mamwe masangano anomirira vashandi vehurumemde ari pasi peApex Council akaita musangano nagavhuna webhanga guru renyika, VaJohn Mangudya.
Your browser doesn’t support HTML5
Hurukuro naVaFortune Nyamande
Musangano uyu wakazeyawo nyaya yemari dzemihoro nemabhonasi.
VaMangudya vaudza Studio 7 kuti musangano uyu waive wekuti vanzwe pfungwa dzevashandi kuitira kuvazivisa muzvirongwa zvavo zvakafanana nemashandisirwo emari.
Your browser doesn’t support HTML5
Hurukuro naVaJohn Mangudya
Munyori mukuru weProgressive Teachers Union of Zimbabwe, VaRaymond Majongwe, vanoti ichokwadi kuti vakapinda mumusangano uyu asi hapana chakabuda chine musoro.
Your browser doesn’t support HTML5
Hurukuro naVaRaymond Majongwe
Zvichakadaro, vakafanobata chigaro chegurukota rezvevashandi, Doctor Lazerus Dokora, vaudza Studio 7 kuti havana tsamba yavawana kubva kuvashandi vehurumende avo vanoti makurukota ehurumende ari kuramba kusangana navo.