Vatyairi vemarhori vekuZimbabwe vari kushanda vari kuSouth Africa vari kusangana neSvondo nemasangano anorwira kodzero dzevanhu kuti vazeye matambudziko avakatarisana nawo.
Mushure mezvo vachasangana negurukota rezvekutakurwa kwezvinhu, VaFikile Mbalula, pamwe chete negurukota rezvemukati menyika, VaAaron Motsoaledi, muDurban muSouth Africa nemusi weChitatu.
Chimwe chizvarwa cheZimbabwe chinotyaira magonyeti kuSouth Africa, VaTatenda Chidombwe, vaudza Studio7 kuti vatyairi veku Zimbabwe vanosvika makumi mana vakatomiswa mabasa mushure mekutyityidzirwa kwakaitwa varidzi vemakambani avanoshandira.
Kutyityidzirwa uku kunonzi kuri kuitwa nezvizvarwa zvemuSouth Africa izvo zviri kuti zviri kutorerwa mabasa nevanhu vasiri zvizvarwa zvemunyika iyi.
Kune mashoko anoti kune mamwe matiraki akatopiswa zvichikonzerwa nezvizvarwa zvemuSouth Africa.
Your browser doesn’t support HTML5
Hurukuro naVaTatenda Chidombwe