Zviuru nezviuru zvevanhu zvafa muhondo iyi kusanganisira zvizvarwa zveSouth Africa, America, China, Canada nedzimwe nyika.
Huwandu hwezvizvarwa zvedzimwe nyika hwapambwa hwasvika pazana nemakumi mapfumbamwe nevapfumbamwe kana kuti 199, ukuwo vafa vasvika pazana nemakumi matanhatu navatatu 166.
Zvichakadaro, gurukota rinoona nezvekudyidzana nedzimwe nyika muAmerica VaAnthony Blinken vasvika muTel Aviv, Israel nhasi kuti vaite mumwe musangano nemutungamiri wehurumende wenyika iyi VaBenjamin Netanyahu.
Misangano iyi iri kuuya pari kutyirwa kuti mauto eIsrael akapinda muGaza hondo iyi inogona kupararira zvikuru vanhuwo zvavo vakatanga kufa.
Iran nechikwata cheHezbollah chemuLebanon vakatoyambira kare kuti vanogona kupindira kana Israel ikapinda muGaza. Asi America yakati ichatora matanho kune vanoda kupindira ava.
Sachigaro wesangano rinomiririra vatema vechi Moslem kuZimbabwe reInsikelelo/Makomborero, Sheikh Laja Yasin vati zvakakosha kuti pawanikwe nzira dzekuti vanhu vechiPalestine vawane rusungunuko sezvo vari kubatwa senhapwa.
Your browser doesn’t support HTML5
Hurukuro na Sheik Laja Yasin
Asi mutungamiri wesangano chitendero chemaJudha echitema reHarare Lemba Synagogue, VaModrek Maeresera vati Israel ine kodzero yekurarama nekuzvidzivirira.
Your browser doesn’t support HTML5
Hurukuro naVaModrek Maeresera