Breaking News

Godwin Mangudya

Produced by Godwin Mangudya

Chikumi 27, 2021
Hurumende Inomisa Chirongwa Chekupa Vadzidzi Zvitupa neNyaya yeCovid-19

Kunyange hazvo hurumende yakamisa neMugovera chirongwa chekuti vana vanoda kunyora bvunzo vatore zvitupa nekuda kwekutyira kupararira kweCovid-19, nyanzvi munyaya dzedzidzo dzinoti zvakakosha kuti chirongwa ichi chienderere mberi kuitira kuti pasaita nhubu dzinonyorera vamwe mazamanishoni.
Chikumi 26, 2021
Chirwere cheCovid-19 Choramba Chichibata neKuuraya Vanhu Munyika

Sangano reCouncil of Students Teachers kana COST, razivisa kuti vadzidzi gumi vepaMadziwa Teachers College vakabatwa neCovid-19 nezuro uye huhwandu hwevadzidzi ava hunotarisirwa kukwira nekuvhenekwa kuri kuitwa vadzidzi ava.
Chikumi 24, 2021
Matare eDzimhosva Ovhiringwa neChirwere cheCovid-19

Judicial Service Commission (JSC) yavhara matare mumadhorobha matanhatu mushure mekunge vashandi vemumatare aya vabatwa nechirwere che Covid-19.
Chikumi 23, 2021
SADC Inowirirana Kutumira Mauto kuCabo Delgado, kuMozambique

Mutungamiri wenyika, VaEmmerson Mnangagwa, pamwe nevamwe vatungamiri venyika dzemuSADC vanonzi vawirirana kuti dunhu reSADC ritumire mauto aro kudunhu reCabo Delgado, kuMozambique uko kuri kurwiswa nevanopfurikidza mwero.
Chikumi 22, 2021
Ongororo Yakaitwa neHofisi yaAmai Chiri Inoti Makanzuru Ari Kutadza Kuita Mabasa Awo neMazvo.

Mukuru wehofisi yaComptroller and Auditor- General, Amai Mildred Chiri, vanoti makanzuru emaguta nemadhorobha akawanda munyika haasi kuita basa nemazvo akaita sekutakura marara nekuwanisa vanhu mvura yakachena.
Chikumi 21, 2021
Fata Mukuru weRoman Catholic, Father Ribeiro, Vanoradzikwa kuHeroes' Acre

Fata mukuru weRoman Catholic Church, Father Emmanuel Francis Ribeiro, avo vakashaya nemusi weChina chadarika varadzikwa neMuvhuro panzvimbo inovigwa magamba yeNational Heroes Acre muHarare, vakava mufundisi wekutanga kuradzikwa panzvimbo iyi.
Chikumi 18, 2021
Ongororo yeAfrobarometer Yokonzera Mutauro Munyika

Ongororo yakaitwa neAfrobarometer inoratidza kuti Zanu PF inokunda zvishoma musarudzo yemutungamiri wenyika ikaitwa mangwana ichiteverwa neMDC Alliance.
Chikumi 17, 2021
IMF Inoti Hupfumi hweZimbabwe Huchakura neZvikamu Zvitanhatu Kubva Muzana Kana Hukasavhiringwa neCovid-19

Sangano rinokweretesa mariu pasi rose, reInternational Monetary Fund (IMF) rinoti hupfumi hweZimbabwe hunotarisirwa kukura nezvikamu zvitanhatu kubva muzana gore rino.
Chikumi 17, 2021
VaMnangagwa Vanodzinga Basa Amai Erica Ndewere

Mutungamiriri wenyika, VaEmmerson Mnangagwa, nhasi vadzinga basa vaimbove mutongi wedare remhosva repamusoro, Amai Erica Ndewere, mushure mekunge vawonekwa kuti havachakodzeri kuti varambe vari mutongi wedare iri nekomiti yakaumbwa kuti ivaongorore.
Chikumi 16, 2021
Hurumende Yokurudzirwa Kuvhara Zvikoro Sezvo Huwandu hweVanhu Vane Covid-19 Hwakwira Zvakare

Mutsamba dzaendeswa kubazi rezvedzidzo yepamusoro, masangano aya ati zvichitevera kukwira kwehuwandu hwevanhu vari kubatwa neCovid-19 anoda kuti bazi iri rimise zvidzidzo muzvikoro zvepamusoro senzira yekudzvirira kuparira kwedenda iri muzvikoro.
Chikumi 12, 2021
MDC Alliance Inoparura Chirongwa Chinokurudzira Madzimai Kutora Zvigaro Mune zveMatongerwo eNyika

Bato rinopikisa, reMDC Alliance, raparurira chirongwa chekukurudzira madzimai kuti atore zvigaro munyaya dzezvematongerwo enyika uye izvi zvichatungamirirwa nekomiti yaumbwa nebato iri muHarare neMugovera.
Chikumi 11, 2021
Magweta aVaKika Anoti Haasi Kugutsikana neMutongo Wakachenura VaMalaba neMusi weChina

Magweta emukuru weZimbabwe Human Rights NGO Forum, Dr Musa Kika, anoti ari kuronga kupikisa mutongo wakapihwa nedare repamusoro nezuro wekuti mukuru wevatongi, Chief Justice Malaba, havana kuzvidza dare apo vakadzokera kudare mushure memumwe mutongo wedare iri wakati vaende pamudyandigere.
Chikumi 10, 2021
Matare Ovandudzwa Kuitira Kurerutsira Vakaremara

Sangano reJudicial Service Commission inoti iri kuvandudza mashandiro ematare ese munyika izvo zvicharerutsira vakaremara pamwe neveruzhinji munyika.
Chikumi 09, 2021
Zimbabwe Yotanga Zvakare Kugadzira Mabhazi

Vachitaura mushure mekusaina chibvumirano ichi, sachigaro weAmalgamated Bus Operators, VaSamson Nanhanga, vati kugadzira mabhazi muno kuchaita kuti nyika ichengetedze mari yekunze pamwe nekuwanisa zviuru zvevanhu mabasa.
Chikumi 04, 2021
NSSA Inovhura Muzinda Unochengeta Pamwe neKurapa Vashandi Vayo Vane Chirwere cheCovid-19

Kambani yehurumende inoona nezvekugara zvakanaka kwevanhu vari pamudyandigere yeNational Social Security Authority kana kuti, NSSA, yavhura nhasi muzinda wekuchengeta pamwe nekurapa vashandi vayo nevari pamudyandigere vanenga vabatwa neCovid-19.
Chivabvu 28, 2021
Vatongi veMatare eSupreme Court neConstitutional Court Vozvipinza Munyaya yaVaMalaba

Dzimwe nyanzvi dzinoti zvaitika izvi zvinoreva kuti vatongi vese ava vari gumi nevanomwe havakwanise kunzwa nyaya iyi muSupreme Court kana kuti muConstitutional Court sezvo vane chekuita nenyaya iyi.
Chivabvu 27, 2021
SADC Troika Yozeya Hondo Iri muMozambique

Mutungamiri wenyika, VaEmmerson Mnangagwa, vari kusangana nevamwe vatungamiriri venyika dzemuSADC kuMaputo, Mozambique uko vari kuronga kuti mauto eSADC, angapindire sei mukubatsira Mozambique pahondo yayo nevanopfurikidza mwero kudunhu reCabo Delgado munyika iyi.
Chivabvu 26, 2021
Chikumbiro chaHopewell Chin'ono Chinoramba Kutambirwa neDare

Vachipa mutongo wavo nhasi, mutongi wedare, Amai Vongai Muchuchuti Guwuriro, vati kunyange hazvo nyaya iri kupomerwa Chin’ono isina kujeka, ichajekeswa apo paachatongwa.
Chivabvu 26, 2021
Mamwe Masangano eVarairidzi Onyunyuta Kuti Nhengo Dzawo Dzakabatirwa Mihoro yeMazuva Adzisisa Kushanda

Mamwe masangano anomirira varairidzi anoti pane nhengo dzawo dzisina kuwana mihoro yadzo mwedzi uye ati achaendesa hurumende kumatare edzimhosva pamusoro penyaya iyi.
Chivabvu 19, 2021
Zuva Rekuti Dare Ripe Mutongo Waro paNyaya yaChin'ono Rinosvika, Asi Mutongi weDare Anoshaikwa Mudare

Mutori nhau, Hopewell Chin’ono, achamira kusvika nemusi weChitatu svondo rinouya kuti anzwe kuti dare richapa mutongo upi pachikumbiro chake chekuti dare ramajisitireti rirase nyaya yaari kupomerwa.

XS

SM

MD

LG