Mutungamiri weungano reAfrican Union VaMacky Sall vokurudzira kuti zvirango zvakatemerwa Zimbabwe zvibviswe.VaSall vakataura izvi pamusangano weUS African Leaders Summit kune mutungamiri wenyika yeAmerica VaJoe Biden.
Mudare mudare reCongress vakamirira Bbato remaDemocrats kuNewYork VaGregory Meeks vanoti varikufadzwa nemafambiro arikuita musangano weUS Africa Leaders Summit uye vari kutsigira zvirongwa zvekudyidzana kweAmerica neAfrica.Vhidhiyo ina Marvellous Mhlanga-Nyahuye.
Vaimbove mumiriri wemuzinda weAmerica muHarare Ambassador Tom MacDonald vanoti vari kustigira danho rakatorwa nehurumende yavo rekusakoka mutungamiri wenyika VaEmmerson Mnangangwa kumusangano weUS Africa Leaders Summit sezvo vanofanirwa kugadzirisa nyaya yekuita sarudzo dzakachena munyika nezvimwe.
Zvimwe zvizvarwa zveku Ethiopia zvichiratidzira kumucheto wemusangano weUS African Leaders Summit urikuitirwa muguta reWashington DC. Vhidhiyo ina Marvellous Mhlanga-Nyahuye.
Gurukota rinoona nezve kudyidzana nedzimwe nyika VaFrederick Shava vanoti Zimbabwe haasi kufara nekusakokwa kwemutungamiri wenyika vaEmmerson Mnangagwa kumusangano weUS Africa Leaders' Summit wakatanga muWashington DC nezuro. Vhidhiyo ina Marvellous Mhlanga-Nyahuye.
