Breaking News

Tanonoka Whande

Produced by Tanonoka Whande

Chivabvu 06, 2021
VaDonald Trump Vanorambidzwa Zvekare Kushandisa Face

Bhodhi rinoona mafambisirwo anoitwa basa ne kambani ye Facebook nezuro, Chitatu, rakabvumirana kuti vaimbove mutungamiri we America, VaDonald Trump, vasabvumirwa kushandisa ‘social media’ ye Facebook kweimwe mwedzi mitanhatu.
Chivabvu 04, 2021
VaBill Gates naAmai Melinda Gates Vazivisa Kuti Vagura Muchato Wavo

Muzvinabhizimisi, VaBill Gates, nemudzimai wavo, Amai Melinda Gates, nezuro, Muvhuro, vakazivisa nezvekupera kwe muchato wavo, mushure memakore makumi maviri nemanomwe vari vose.
Kubvumbi 27, 2021
MDC Alliance Inoti Iri Kushandura Nzira Dzinoshandiswa Kusarudzwa kweVamiriri Vayo

Mutungamiri webato rinopikisa reMDC Alliance, VaNelson Chamisa, vanoti vanokumbira ruregerero kubva kuruzhinji rwevanhu pamusoro penzira yange ichishandiswa nebato ravo mukusarudza vanomirira bato iri.
Kubvumbi 27, 2021
Vamwe Vabereki Vanonzi Vari Kurova Varairidzi Muzvikoro

Mamwe masangano anomirira varairidzi anoti ari kutambira mashoko ekuti vamwe vabereki mune dzimwe nzvimbo vari kurova nekushungurudza varairidzi muzvikoro zviri munharaunda dzavo.
Kubvumbi 26, 2021
Vamwe Mubato reMDC-T Vanoda Kuziva Zvakaitika paMari Inonzi Yakatsakatika.

Dzimwe nhengo dzebato reMDC-T inotungamirirwa naVaDouglas Mwonzora dzinoti dzanyora gwaro kudare reparamende, ne kune mamwe mapazi ehurumende, vachiti nyaya yemari inotita mamirioni matanhatu emadhora inonzi yakatsakatika mubato iri inofanirwa kutaurwa nezvayo uye vanhu vane mari iyi vasungwe.
Kubvumbi 23, 2021
Sangano reZUDAC Rokumbira Hurumende Kuti Ipindire Pagakava Rayo neVashandirwi

Mutungamiri weZUDAC, VaFredrick Maguramhinga, vaudza Studio 7 kuti makambani avanoshandira haasi kuterera zvichemo zvavo, zvinosanganisira kushaya rubatsiro kana vakaita dambudziko vari pabasa kunze kwenyika uye kushaikwa kwemari yemudyandigere.
Kubvumbi 21, 2021
Derek Chauvin Anowakikwa Aine Mhosva yeKuuraya VaGeorge Floyd

Chauvin murume wechichena akange ari mupurisa paakauraya VaGeorge Floyd nekumutsimbirira pamutsipa wake kusvika afa zvikakonzera mhirizhonga muAmerica nemudzimwe nyika.
Kubvumbi 20, 2021
Sangano reSafe Haven Trust Rave neMuzinda muChitungwiza

VaMudyiwa vati muzinda wavaita mu Chitungwiza uyu, hauna kunangana nevechidiki vemuChitungwiza chete, vachiti vana vose vanobva kunzvimbo dzakasiyana siyana vanofanirwa kuwana rubatsiro rwavanopa.
Kubvumbi 19, 2021
Huwandu Hwevanhu Vari Kupfurwa Vachifa Huri Kuwedzera muAmerica

Kubva kutanga kwegore rino, 2021, vanhu vafa vachipfurwa mu America vave zana rine makumi mana nevanomwe (147).
Kubvumbi 15, 2021
Dare reHigh Court Rinoti Bazi reZvekutakurwa Kwezvinhu Harina Masimba Ekuti Vanhu Varibhadhare neMadhora eku America

Dare reHigh Court rakaisa parutivi mutemo wechimbi chimbi, kana kuti Statutory Instrument, SI161 of 2020, wakange wadzikwa gore rapera negurukota rezvekutakurwa kwezvinhu, waisungira vanhu munyika kuti vatenge ma’number plates’ emotikari dzavo vachishandisa madhora eku America.
Kubvumbi 15, 2021
America neMadzisahwira Ayo Vanokurudzira Ethiopia Nhaurirano Dzekupedza Kurwisana muTigray

Gurukota reAmerica rinoona ne zvekudyidzana nedzimwe nyika, nemakurukota ezvekudyidzana nedzimwe nyika anobva kunyika dze G-7, dzinosanganisira Canada, France, Germany, Italy, Japan ne United Kingdom, vanoshushikana nekutyorwa kwekodzero dzevanhu nekumbunyikidzwa kwavo mudunhu reTigray mu Ethiopia.
Kubvumbi 07, 2021
Vana Vari Kusvika paMuganhu weAmerica neMexico Vari Kuwanda Zuva neZuva

Svondo rapera rega, vana vanoita zviuru zvishanu, zvine mazana manomwe nemakumi matanhatu nevanomwe (5,767) vakabatwa vachida kupinda mu America uye vakachengetedzwa nemapurisa anochengetedza miganhu wenyika.
Kubvumbi 07, 2021
MDC Alliance Yopikisa Mutongo Unoti Haikodzeri Kupihwa Mari neHurumende?

Dare repamusoro, reHigh Court, nezuro rakapa mutongo wekuti bato reMDCA Alliance, rinotungamirwa naVaNelson Chamisa, harina kodzero yekuti ripihwe mari inopihwa mapato anenge akwikwidza musarudzo akavhoterwa nevanhu vanodarika zvikamu zvishanu kubva muzana, kana kuti 5%.
Kubvumbi 06, 2021
Varairidzi Vanoti Kubva Nhasi Vachashanda Mazuva Matatu paSvondo

Mamwe masangano anomirira varairidzi anokurudzira nhengo dzawo kuti kubva nhasi vashande mazuva matatu pasvondo.
Kubvumbi 05, 2021
VeMakereke Vanoti Vanofadzwa neMafambiro Akaita Zvinhu paEaster

Munyori mukuru wesangano rinomirira makereke, reZimbabwe Council of Churches, Reverend Kenneth Mtata, vaudza Studio 7 kuti kunyange hazvo vanhu vakange vasingakwanisi kuungana vakawanda, zvakafamba zvakanaka chose, vachirumbidza vetendi nekunzwisisa kwavo.
Kubvumbi 05, 2021
SADC Yokurudzirwa Kubatsira Mozambique NeChimbi-chimbi

Sangano reSADC rinoti bazi raro rinoona ne zvematongerwo nekudzivirirwa kwenyika, reSADC Organ on Politics, Defence and Security, richaita musangano mukuru svondo rino kukurukura pamusoro pekusagadzikana kuri kuramba kuchiitika kumavodzanyemba kweMozambique.
Kubvumbi 02, 2021
Zimta Yokurudzira Nhengo Dzayo Kushanda Mazuva Matatu paSvondo

Rimwe sangano rinomirira varairidzi, reZimbabwe Teachers’ Association (ZIMTA) razivisa kuti kubva musi weChipiri, 6 Kubvumbi, nhengo dzaro dzichange dzave kushanda mazuva matatu pasvondo anoti Muvhuro, Chipiri neChitatu chete.
Kubvumbi 01, 2021
VaHaruzivishe Vanowanikwa Vaine Mhosva yeKukurudzira Mhirizhonga

Nhengo ye MDC Alliance National Executive Council, VaMakomborero Haruzivishe, vakawanikwa nezuro vaine mhosva yekukuridzira mhirizhonga uye kuramba kuteerera zvaitaurwa nemapurisa.
Kurume 31, 2021
Vadzidzi Vorambidzwa Kushanya Munguva yeZororo reEaster

Mutauriri webazi rezvedzidzo, VaTaungana Ndoro, vaudza Studio 7 kuti izvi zvakabvumiranwa nemakurukota edare rehurumende nezuro, Chipiri, vachiti inzira yekudzivirira kupararira kwechirwere che Covid-19.
Kurume 31, 2021
America Inobudisa Gwaro Rinoshora Kutyorwa kweKodzero dzeVanhu muZimbabwe

Bazi re State Department rinoti hurumende mu Zimbabwe inouraya vanhu pamusoro pezvamatongerwo enyika, inotsakatikisa vanhu, kutocha vanhu nekusabata vasungwa zvakanaka. Gwaro iri rinoshoravo majeri emunyika, pamwe chete ne kushora mabatirwo anoitwa ngochani mu Zimbabwe.

XS

SM

MD

LG