Tanonoka Whande

Misoro yeNhau dzaNhasi, Chipiri, Chikumi 12, 2018.

VaTrump Votarisirwa Kuita Musangano Mukuru NaVaKim Jong Un kuSingapore

Mutungamiri veAmerica, VaDonald Trump, vari kutarisirwa kuita musangano nemutungamiri veNorth Korea, VaKim Jong Un kuSingapore.

National Patriotic Front Inoti Inowirirana nePfungwa neZvinangwa ZveMDC Alliance

Mutauriri webato rinopikisa reNational Patriotic Front, NPR, VaJealousy Mawarire, vanoti bato ravo rinotenderana nepfungwa nezvinangwa zve MDC Alliance ndosaka vakaenda kunofora navo.

MDC-T USA Inotsigira VaChamisa Yoronga Musangano Wayo kuOhio neMugovera

Dunhu reMDC-T USA, iro rinotsigira MDC inotungamirwa naVaNelson Chamisa, riri kuita musangano waro mukuru kuColumbus, Ohio, kuno kuAmerica nemusi weMugovera.

Vanhu Vave kuda Vatungamiri Kwete Vatongi - Nyanzvi dzeZvematongero Enyika

Bato rinopikisa reNational Patriotic Front, NPF, rinoti vanhu vese vanofanira kuvhotera bato reMDC-T rinotungamirirwa naVaNelson Chamisa.

Misoro yeNhau dzaNhasi, Chipiri, Chikumi 05, 2018.

Kanzuru Yeguta reHarare Yabatana Nekambani YeFrance Kudzidziswa Kuchengetedza Mvura

Kanzuru yeguta reHarare inoti yabatana nekambani yekuFrance, yeVitens Evides International, kuti ibatsire mukuderedza huwandu hwemvura inorasika mupombi dzemvura isati yasvika kuvagari.

Nhumwa DzeCommonwealth Dzoita Musangano NeGurukota Rezvekudyidzana Nedzimwe Nyika, VaSibusiso Moyo

Chikwata chenhumwa dzinobva kusangano reCommonwealth chiri muZimbabwe kuita hurukuro nokuwongorora mamiriro akaita zvinhu munyika sechimwe chezvinhano zvina zvinofanirwa kuitwa kuti Zimbabwe igotambirwa kuti idzokere musangano iri.

Vadzidzisi Vokumbira Hurukuro neMutungamiri weNyika

Sangano reProgressive Teachers Union of Zimbabwe, PTUZ, rinoti rinoda kusangana nemutungamiri wenyika, VaEmmerson Mnangagwa, kuti vavataurire zvichemo vavo.

Vedzisvondo Voratidzira Vachinamatira Kuitwa kweSarudzo Dzisina Mhirizhonga

Vedzisvondo pamwe nemasangano anoshanda akazvimirira nhasi vapinda mumigwagwa muHarare vakaita munamato muAfrica Unity Square vachikumbira hurumende nemapato ezvematongerwo kuti munyika muitwe sarudzo murunyararo.

ZEC Inoti Vanhu Vanoda Kusvika Mamiriyoni Mashanu Vatarisa Kuti Vari Mugwara reVavhoti Here

Nhasi izuva rekupedzisira kuti vanhu vaende kumahofisi eZimbabwe Electoral Commission kana kuti ZEC kuti vanoona kuti mazita avo akanyorwa zvakanaka here mugwaro revavhoti idzva reBVR

Zimbabwe Yoiswa muNyika Makumi Matatu Dziri Kunetswa neChirwere cheTB

Sangano rezvehutano pasi pose, reWorld Health Organisation, WHO, rinoti Zimbabwe ndeimwe yenyika makumi matatu pasi rose dziri kunetsekana nechirwere cherurindi, kana kuti TB.

VaMatemadanda Vopomera VaMugabe Mhosva Yose yeGukurahundi

VaVictor Matemadanda, vanoti hapana zvazvinobatsira kuti nyika irambe ichitsvaka munhu wekupomera mhosva yeGukurahundi izvo zviri pachena kuti vaimbove mutungamiri wenyika, VaRobert Mugabe, ndivo vanofanirwa kubvunzwa uye kutsanangura mhosva yavakapara iyi.

Vadzidzisi Vanoramba Mari Yavapamidzirwa neHurumende Vachiti Ishoma

Sangano rinomiririra vadzidzisi reAmalgamated Rural Teachers Union of Zimbabwe, ARTUZ, rinoti harisi kutambira mari yemuhoro yapamidzirwa vadzidzisi nehurumende.

Makurukota eZanu-PF Oenderera Mberi Achiti Zanu-PF Haisi Kuzotambira Zvibuda muSarudzo

Zvizvarwa Zve Zimbabwe Zviri MuAmerica Voita Chirongwa CheZim Expo

Zvizvarwa zveZimbabwe zviri muAmerica nedzimwe nyika zvave kugadzirira chirongwa cheZim Expo chinoitwa kamwe chete pagore.

Misoro yeNhau dzaNhasi, Chitatu, Chivabvu 23, 2018.

Hurumende Yovandudza Mitemo Kuti Matunhu Awane Imwe yeMari yeZvicherwa Zvawo

Hurumende inoti irikunyora mitemo mitsva inozoona kuti nzvimbo dzine zvicherwa dzigovane nehurumende mari inobva muzvicherwa zvemunzvimbo yavo.

Vashandi vemuMabhangi Vopa Vasevenzerwi Svondo Mbiri Dzekuti Vapamidzirwe Mari yeMihoro

Sangano rino miririra vashandi vemumabhangi, reZimbabwe Banks and Allied Workers Union, rinoti rakapa vashandirwi masvondo maviri panyaya yekupamidzirwa mari yemihoro yevashandi vemumabhangi.

Hurumende Yombomira Kupa Magwaro Ekurima Mbanje

Mutevedzeri wegurukota rezvehuphumi, VaTerrance Mukupe, vanoti hurumende yambomira kupa vanhu marezenise ekurima mbanje.