Breaking News

Tanonoka Whande

Produced by Tanonoka Whande

Kukadzi 19, 2021
VaBiden Voenderera Mberi Vachishandura Zvakasiya Zvaitwa naVaTrump

Bhiri iri rikatambirwa kuva mutemo, rinopa mukana kumamiriyoni gumi rerimwe evanhu vari muAmerica zvisiri pamutemo, kusanganisira vana vavo vakapinda muAmerica vari vadiki.
Kukadzi 19, 2021
Makereke Otsvagira Hurumende Rubatsiro Kunze kweNyika?

Mutauriri we sangano iri, Reverend Kenneth Mtata, vati sangano ravo ranyorera nyika dzakawanda magwaro richidzikurudzira kuti dzibatsire Zimbabwe sezvo nyika iyi isina kuwana rubatsiro rwakakwana kuti igadzirise zvinonetsa munyika pamwe chete nekurwisa chirwere cheCovid-19.
Kukadzi 17, 2021
Chando Chovhiringa Vanhu Zana neMakumi Mashanu eMamiriyoni muAmerica

Vanoona nezvemamiriro ekunze vanoti chando chiri mudunhu reTexas hachisati chamboitika kwemakore makumi matatu nemaviri, vachiti panhandare yendege, yeHouston Intercontinental Airport, pari kutonhora zvisingaiti.
Kukadzi 17, 2021
Nyika dzakavakidzana dzino kurudzirwa kurwisa Covid-19 dzakabatana

Sangano rinorwira kodzero dzevanhu, reHuman Rights Watch, rinoti nyika dzakavakidzana dzinofanirwa kushanda pamwe chete mukurwisa chirwere cheCovid-19 kuitira kuti pasave nekusiyana kwemitemo inofanirwa kunge ichitevedzwa.
Kukadzi 16, 2021
America Yoronga Kuumba Komisheni Ichaongorora Mhosva Yakapunyuka VaTrump?

Mutauriri we US House of Representatives, Amai Nancy Pelosi, vanoti paramende ichaumba komisheni yakazvimirira ichaongorora chokwadi nezvikonzero pamusoro pemhirizhonga yakaitika paCapitol Hill musi wa 6 Ndira pakafa vanhu vashanu, pakakuvara vanhu vazhinji pamwe nekupunzwa kwezvinhu.
Kukadzi 16, 2021
Misa Zimbabwe Yomirira Kunzwa kuHurumende Pamire Vatori veNhau paHorongwa hweKubayiwa Nhomba yeCovid-19

Sangano rinomirira vatori venhau, reMedia Institute of Southern Africa rinoti rakamirira kunzwa kubva kuhurumende mushure mekuendesa chichemo charo kuhurumende richiikurudzira kuti vatori venhau vave vamwe vevashandi vanokosha vachatanga kubaiwa mushonga wenhomba we Covid-
Kukadzi 15, 2021
Thomas Mapfumo Oshora Mapato eZanu PF ne MDC Alliance

Muimbi ane mukurumbira, Thomas Mapfumo, ari kushora zvikuru hurumende achiti haina hany’a nevanhu, uye iri kutadza kupedza huori munyika. Mapfumo anoti Zanu-PF haigone kugara nekushanda nevanhu kunze kwekuita zvinhu nechisimba pazvinhu zvese.
Kukadzi 15, 2021
Nyanzvi Dzozeya reMangwana raVaTrump

Pari zvino, magweta makuru emumatunhu eNew York neGeorgia ari kutarisisa mhosva dzinonzi dzakaparwa naVaTrump izvo zvinogona kuvhiringa mukana waVaTrump wekukwikwidza zvekare.
Kukadzi 12, 2021
Mutori wenhau ane mukurumbira, Hopewell Chin’ono, akapihwa mubairo weGreenfield People Journalism Prize for Africa, pasi pechikamu chePeople

Chin’ono, uyo akaziviswa nezvemubayiro uyu nezuro, ari kuremekedzwa nepamusana pebasa raakaita mukuburitsa huori huri kuitika muZimbabwe pakutengwa kwezvikwanisiro zvekushandisa munguva yekurwisa chirwere cheCovid-19.
Kukadzi 11, 2021
Nyanzvi Dzokurudzira Kuti Nhomba yeCovid-19 Iri Kubva kuChina, Itange Yaongororwa Isati Yabayiwa Veruzhinji

Nyanzvi munyaya dzezvehutano dzinoti mushonga wenhomba uyu unofanirwa kutanga waongororwa usati wapihwa veruzhinji.
Kukadzi 11, 2021
Vachuchisi veDemocratic Party Voroverera VaTrump neMhosva Yavari Kupomerwa

Mukusimbisa nyaya yavo yekuroverera VaTrump nemhosva yavari kutongwa nayo, vachuchusi vakaratidza mavhidhiyo anoratidza kuti VaTrump vakaunganidza vatsigiri vavo vakavapesvedzera kuti vaite zvemhirizhonga vachiedza kuti sarudzo yavakange vakundwa ipidigurwe.
Kukadzi 10, 2021
Misa Zimbabwe Inotambira neMufaro Kudomwa kwaVaParadza seMutevedzeri weGurukota reKuburitswa kweMashoko

Sachigaro we Misa Zimbabwe, VaGolden Maunganidze, vaudza Studio 7 kuti VaParadza ndisahwira wevatori venhau anonzwisisa zvese zvinovanetsa sezvo ivo vakashanda kwenguva refu semutori wenhau.
Kukadzi 10, 2021
Kutongwa kwaVaTrump Kwotanga Zviri Pamutemo

Nhengo dzose dzebato reDemocratic Party makumi mashanu dzakatsigirwa nenhengo nhanhatu dzeRepublican Party dzikavhota dzichiti kutongwa kwaVaTrump uku kunotsigirwa nebumbiro remitemo yenyika, dzichiramba kutambira mashoko emagweta aVaTrump
Kukadzi 09, 2021
America Yoronga Kudzika Mitemo Inotsigira Pamwe neKuchengetedza Vatori veNhau Pasi Rose

Chinangwa chebhiri iri ndechekudzidzisa vanhu pamusoro pekusununguka kwekutapwa kwenhau uye kudzidzisa vanoshanda kune dzimwe nyika kusimudzira kutorwa kwenhau kwakasununguka pamwe chete nekuchengetedza vatapi venhau mudzimwe nyika.
Kukadzi 09, 2021
Vagari Vonetseka Zvikuru neMangange Ari Pakati peKanzuru yeHarare neVashandi Vayo

Vashandi vekanzuru vanoona nezvemvura nekutakurwa kwemarara vave nemasvondo matatu vachienda kubasa asi vasinganoshandi, vachiti nyaya dzemihoro yavo dzigadziriswe pamwe chete nekupiwa zvikwanisiro zvepabasa.
Kukadzi 08, 2021
Dare reSenate Rotanga Kutonga VaTrump neChipiri

Dare reparamende yepamusoro muAmerica, reSenate, riri kutanga kutonga mangwana, Chipiri, vaimbove mutungamiri weAmerica, VaDonald Trump, richivapomerwa mhosva yekupesvedzera vatsigiri vavo kuita mhirizhonga iyo yakakonzeresa kufa kwevanhu vashanu mwedzi wapera.
Kukadzi 08, 2021
Chikumbiro chaMuzvare Mamombe naMuzvare Chimbiri Chekubvisa Mari yeChibatiso Chonzwikwa neDare rePamusoro

Vaviri ava vari muhusungwa zvichitevera kunyimwa kwavo mukana wekutongwa vachibva kudzimba dzavo nedare remajesitireti.
Kukadzi 08, 2021
Zimbabwe Yokurudzirwa Kushanda neMasangano Makuru Munyaya yeNhomba yeCovid

Human Rights Watch inoti Zimbabwe inofanirwa kuita zvinhu yakabatanawo nedzimwe nyika sezvo denda iri risingasarudzi rudzi rwemunhu.
Kukadzi 05, 2021
Zambia Yorambidza Magonyeti Kushandisa Zambuko reVictoria Falls Kutanga Muna Kurume

Zambia yazivisa kuti kutanga musi wa 1 Kurume, 2021, inenge isisabvumidzi magonyeti kuti ashandise mugwagwa unopfuura nepazambuko re Victoria Falls.
Kukadzi 05, 2021
Paramende yeAmerica Inobvisa Amai Greene Mumakomiti Avanga Vari

Dare re House of Representatives, rabvisa nhasi Amai Marjorie Taylor Greene, mumakomiti edare maviri avenge vari senzira yekuvarwadzisa zvichitevera danho ravo rekutsigira pfungwa dzinoshambadza ruvengo, kukurudzira mhirizhonga, kuurayisa vamwe nezvimwe zvinhu zvinopatsanurisa zvizvarwa zveAmerica.

XS

SM

MD

LG