Breaking News

Ray Choto

Produced by Ray Choto

Kurume 14, 2019
MDC Inoti Mashoko aVaMnangagwa Anokonzera Kushushikana Munyika

Imwe nhengo yeMDC mudunhu reNorth America, Va David Siyampondo, vanoti mashoko aVaMnangagwa anoratidza kushaya hudzamu kwavo mumafungiro avo munyaya dzematongerwo enyika.
Kurume 13, 2019
VaRamaphosa Vanoti Hapasati Pave neHurongwa hweKukweretesa Zimbabwe Mari

Mutungamiri we South Africa, Va Cyril Ramaphosa, vanoti hurumende yavo haisi kuzopa izvozvi Zimbabwe rubatsiro rwemari kudzamara nhaurirano pakati pehurumende yavo neyaVa Emmerson Mnangagwa, dzapera.
Kurume 11, 2019
Bato reDemocratic Party Roita Misangano neVari Kuda Kukwikwidza Sarudzo yeMutungamiri weAmerica

Nyanzvi munyaya dzematongerwo enyika, uye vari mukuru wezvirongwa zvevadzidzi vepamusoro soro, kana kuti Director of Graduate Programs paMalone University ku Ohio, Doctor Moses Rumano, vanoti misangano yakadai inoremekedzwa zvikuru mukusarudzwa kwevatungamiri venyika muAmerica.
Kurume 07, 2019
VaMnangagwa Voshandisa Sahwira waVaTrump Kugadzirisa Hukama Hwavo neAmerica

Hurumende yaVa Emmerson Mnangagwa inonzi yahaya kambani yemagweta ine mukurumbira muAmerica, uye inodyidzana nemutungamiri weAmerica, VaDonald Trump, kuti ishande mukuvakiridza hukama hweZimbabwe neAmerica.
Kurume 07, 2019
VaMthuli Ncube Vanoramba Kutaura neVatori veNhau muWashington

Gurukota rezve mari, Va Mthuli Ncube, havana kuda kutaura nevatori venhau, kana kutorwa mavhidhiyo vachitaura, pamusangano wavakaita muWashington neChitatu manheru.
Kurume 05, 2019
MDC Inoti America Ndiyo Iri Pamberi Mukubatsira Zimbabwe Mune Zvakawanda

VaZvidzai Ruzvidzo, avo vanogara muColumbus ku Ohio, vanoti veruzhinji vanofanirwa kuziva kuti zvirango zviri kutemerwa vanhu vari kutyora kodzero dzevanhu muZimbabwe, hazvineyi nezviri kutaurwa neZanu PF zvekuti nyika ndiyo yakatemerwa zvirango.
Kurume 04, 2019
VaMthuli Ncube Votarisirwa Kuita Musangano neChitatu muWashington DC

Musangano uyu ndewekupa mukana zvizvazvarwa zveZimbabwe kuti zvisangane negurukota rezvemari, VaMthuli Ncube, vachipangana navo mazano anoita kuti Zimbabwe ibudirire.
Kurume 04, 2019
Nyanzvi Dzoshora Zviri Kuitwa neHurumende yaVaMnangagwa

Nyanzvi munyaya dzematongerwo enyika dzinoti dziri kushushikana zvikuru nehuwandu hwevanhu vari kusungwa nehurumende vachipomerwa mhosva yekuda kupidigura hurumende yaVaEmmerson Mnangagwa.
Kukadzi 26, 2019
VaChamisa Vanobuda Munyika Vachisiya VaMudzuri Vari paNyanga

Mutungamiri weMDC, VaNelson Chamisa, vabuda munyika vachishanyira nyika dzemuAfrica vachidzizivisa mamiriro akaita zvinhu munyika.
Kukadzi 23, 2019
Muimbi Dorothy Masuka Ashaya

Dorothy Masuka, uyo akaberekerwa muZimbabwe muna 1935, ashaya ari pamba pake muJohannesburg kuSouth Africa.
Kukadzi 12, 2019
Zimbabwe Lawyers for Human Rights Yoshushikana neMashoko eSADC

Sangano remagweta anorwira kodzero dzevanhu, re Zimbabwe Lawyers for Human Rights, rinoti magweta aro ari kuenderera mberi nekubatsira vanhu vanodarika mazana manomwe vakasungwa vachipomerwa mhosva yekukonzera mhirizhonga mwedzi wapera.
Kukadzi 09, 2019
Mapurisa Opomera VaChikwinya naVaMukapiko Dzimwe Mhosva?

Mapurisa anonzi akabvunzurudza nhengo mbiri dzeMDC inotungamirwa naVaNelson Chamisa nezuro kwemaawa masere, ndokudzisainisa magwaro ekuda kudzipomera dzimwe mhosva, pamusoro pedzimwe mhosva dzavakabvisira mari yechibatiso.
Kukadzi 09, 2019
Varairidzi Voita Mumwe Musangano neSvondo neHurumende

Hurumende iri kusangana zvakare neSvondo nemasangano evarairidzi pachitsvagwa nzira dzekuti varairidzi vadzokere kumabasa.
Ndira 26, 2019
Mugwagwa weWillowvale Wochinjwa Kuitwa Oliver Mtukudzi Road

Kanzuru yeguta reHarare inoti iri kuchinja mugwagwa we Willowvale Road kuti unzi Oliver Mtukudzi Road senzira yekuremekedza Oliver Mtukudzi.
Ndira 16, 2019
Vana Chiremba Vokurudzira Sadc, AU neUN Kupindira muZimbabwe

Sangano ravana chiremba iri rinoti masangano e Sadc, AU, neUN anofanirwa kuona kuti kodzero dzevanhu vemuZimbabwe hadzisi kutyorwa nehurumende.
Ndira 15, 2019
ZLHR Yoendesa Hurumende kuMatare eDzimhosva

Zimbabwe Lawyers for Human Rights inoti inoda kuti dare redzimhosva repamusoro soro riudze mapurisa kuti asatadzise magweta esangano iri kuita basa rawo rekumirira vanhu vari kusungwa nemapurisa mumhirizhonga iri kuitika muZimbabwe.
Ndira 05, 2019
Kanzura Kudzai Kadzombe Vanoti Musha Mukadzi

Kanzura anomirira Marlborough (ward 41) mukanzuru yeguta reHarare, Amai Kudzai Kadzombe, vanoti munhukadzi wese anopinda mune zvematongerwo enyika anofanirwa kusimba dzisunge, sezvo basa iri riine zvakawanda zvinoda kushinga.
Zvita 29, 2018
Warilla Stars Inoremekedza Vechidiki Vayo Vakashura Mare Muna 2018

Maneja weWarilla Stars, VaItai Blessing Wata, vanoti hurongwa hwavo hwakafamba zvakanaka chose.
Zvita 23, 2018
Muzvare Masarira Vanoti Manyepo Kuti Vakabvisa Pamuviri

Mutauriri weMDC inotungamirwa naMuzvare Thokozani Khupe, Muzvare Linda Masarira, vanoti vanonzwa kurwadzikana zvikuru nemashoko eruvengo ari kuiswa pamadandemutande zvichitevera kupinda kwavakaita muchipatara vachirwara.
Zvita 15, 2018
Nhengo Pfumbamwe dzeARTUZ Dzinosungwa kuMacheke

Mapurisa ekuMacheke asunga nhengo pfumbamwe dzesangano re Amalgamated Rural Teachers Union of Zimbabwe, ARTUZ, apo dzange dzichifora dzakananga kuHarare.

XS

SM

MD

LG