Breaking News

Godwin Mangudya

Produced by Godwin Mangudya

Kukadzi 26, 2019
Zimbabwe Inombochengetedza Mukuru Mukuru Anomirira Vashandi muAfrica

Munyori mukuru wesangano reInternationl Trade Union Confederation, ITUC, mudunhu reAfrica, VaKwasi Adu Amankwa, avo vasvika munyika neChipiri, vapedza zuva rese vakachengetedzwa nevebazi rinoona nezvekupinda munyika, vakazoburitswa kuti vadzokere kuhotera kwavo.
Kukadzi 23, 2019
Muzvinafundo Callistus Ndlovu Vanoradzikwa Zvine Mutsindo kuHeroes Acre

Professor Callistus Ndlovu varadzikwa kuNational Heroes Acre, mutungamiriri wenyika, VaEmmerson Mnangagwa, vachishora mhirizhonga yakaitika kuHarare South svondo rapfuura vachiti vanhu vanofanira kutevedza mabasa akanaka emushakabvu, avo vaida runyararo nekuti vanhu vagare zvakanaka.
Kukadzi 20, 2019
Bhanga Guru Rinoparura Hurongwa Hutsva hweMari

Bank guru renyika, reReserve Bank of Zimbabwe (RBZ), raparura hurongwa kwekuti mabhanga munyika atange kutenga mari yekunze pachena uye rati izvi zvichauraya musika mutema.
Kukadzi 19, 2019
ConCourt Inoti Kushanda kweVachuchisi Vari Muchiuto neChipurisa Hazvisi paMutemo

Dare reConstitutional Court nhasi rapa mutongo wekurambidza bazi remuchuchusi mukuru wehurumende, reNational Prosecuting Authority kushandisa vechiuto kana mapurisa sevachuchusi mubazi iri sezviri kutika parizvino, richiti izvi hazviendarane nebumbiro remutemo wenyika.
Kukadzi 13, 2019
VaMliswa Vanodzingwa Mudare reParamende

Mumiriri weNorton muNational Assembly, VaTemba Mliswa, vadzingwa mudare reparamende mushure mekukonzeresa muchokoto apo vasimuka vachikumbira dare kuti riumbe komiti ichaongorora mumiriri weZanu PF muChegutu West, VaDexter Nduna, pamashoko avakataura nemusi weMuvhuro ekuti vakauraya vanhu vaka
Kukadzi 13, 2019
Muparamende Momboita Bvongamupopoto

Muparamende munomboita bvongamupopoto apo mumiriri weNorton, VaTemba Mliswa, pamwe nemumiriri weChegutu West, Va Dexter Nduna, vakandirana makobvu nematete zvichitevera kunetsana kwavakaitana zvakare nezuro.
Kukadzi 12, 2019
Amai Monica Mutsvangwa Vataura Zvabuda Mumusangano weMakurukota

Gurukota rezvekufambiswa kwemashoko, Amai Monica Mutsvangwa, vachitaura zvabuda mumusangano wemakurukota.
Kukadzi 12, 2019
Hurumende Inoti Yava Kubvisa Mutemo weAIPPA

Dare remakurukota ehurumende raita nhasi musangano waro wechitatu gore rino rikataro matanhano anosanganisira kuvandudza mutemo wezvekufambiswa kwemashoko pamwe nemutemo wemashandiro emapurisa kuitira kuti iinderane nebumbiro remitemo yenyika.
Kukadzi 11, 2019
Boka rekwaRegistrar-General Roronga Kuvhura Mahofisi emaPasipoti kwaMurehwa neChitungwiza

Mabharani mukuru wenyika kana kuti Registrar General, VaClemence Masangano, vazivisa kuti mahofisi avo achavhura mahofisi emapasipoti kuChitungwiza munguva pfupi inotevera senzira yekuderedza mitsetse yemapasipoti muHarare.
Kukadzi 11, 2019
Kukandirana Makobvu neMatete kwaVaMliswa naVaNduna Kunomisa Musangano weKomiti yeZvicherwa

VaMliswa, avo vanove sachigaro wekomiti iyi, vakambosuduruka kutungamira komiti iyi mushure mekunge paramende yati yave kuongorora nyaya dzehuwori dzavanonzi vakaita ivo nedzimwe nhengo nhatu dzekomiti iyi.
Kukadzi 07, 2019
VaMliswa Vanombosiya Chigaro cheKomiti yeParamende Inobata Migodhi

Mumiriri weNorton mudare reNational Assembly, VaTemba Mliswa, vambosiya chigaro chasachigaro wekomiti yeparamende inoona nezvezvicherwa mushure mekupumhwa huori.
Kukadzi 06, 2019
VaMnangagwa Vanoda Kucherechedzwa Nhaurirano Dzisati Dzatanga

Vachivhura musangano uyu waitirwa kuState House, VaMnangagwa vati nhaurirano dzisati dzaitwa mapato ese akapinda musarudzo dzegore rapfuura anofanira kutambira zvakabuda musarudzo idzi pamwe nemutongo wakaitwa neConstitutional Court zvichitevera gakava rakamuka musarudzo idzi.
Kukadzi 05, 2019
Kambani yaVaMagaya Inofaindiswa Mazana Manomwe eMadhora

Kambani yaProphet Walter Magaya yeProphetic Healing Deliverance Ministries, yeAretha Medical, nhasi yawanikwa iine mhosva yekutyora mutemo weMedicines Control Act mushure mekunge Va Magaya vati vainge vawana mushonga unorapa HIV/AIDS, Aguma, gore rapfuura vasina kutevedza gwara rinodiwa nemutemo.
Kukadzi 01, 2019
VaMnangagwa Vanobatana neVeruzhinji Mukuchenesa Guta reHarare

Nzvimbo dzakawanda dzasara dzakachena nhasi mushure mekunge mutungamiriri wenyika, VaEmmerson Mnangagwa, makurukota avo, nhengo dzeparamende nevemabhizimisi, vabatana neveruzhinji mukuchenesa nzvimbo dzavanoshandira nekugara.
Kukadzi 01, 2019
Gurukota rezveMitambo, Muzvare Kirsty Coventry, Vokurudzira Hutsanana

Gurukota rezvemitambo, Muzvare Kirsty Coventry, vobatana neveruzhinji mukuchenesa guta reHarare nekutsvaira marara muAfrica Unity Square. Mutungamiri wenyika, VaEmmerson Mnangagwa, pamwe nemakurukota avo vaitawo chirongwa ichi cheNational Clean Up Campaign icho chakatanga mwedzi mitatu yapfuura.
Ndira 30, 2019
Nyaya yeMapurisa neMasoja Ari Kurova Vanhu Inotsviriridza Muparamende

Mumiriri weHarare East muNational Assembly, VaTendai Biti, veMDC ndivo vabvunza VaZiyambi kuti ndiwo wave mutemo here wehurumende kutyora kodzero dzevanhu pamwe nekusatevedza bumbiro remitemo yenyika sezvo mauto nemapurisa ari kutyora kodzero dzevanhu.
Ndira 25, 2019
Makereke Okurudzira Vatori veNhau Kusatora Mativi

Sangano reZimbabwe Council of Churches (ZCC) rinoti vatori venhau vane basa rekubatanidza vanhu pamwe nekutanga nhaurirano dzinoendesa nyika mberi richiti pari zvino handizvo zviri kutika sezvo vamwe vavo vari kutora mativi emapato ari kukakavadzana munyika.
Ndira 24, 2019
Mtukudzi Anoitwa Gamba reNyika

Kudomwa segamba kwaMtukudzi kunotevera matanho akatorwa nesangano rinoona nezvemitambo neNational Arts Councils pamwe nemumiriri weNorton muNational Assembly, VaTemba Mliswa, rekukurudzira hurumende kuti Mtukudzi apihwe ruremekedzo rwegamba renyika kuitira kuti avigwe paNational Heroes Acre.
Ndira 23, 2019
Muimbi Ane Mukurumbira, Oliver Mtukudzi, Ashaya muHarare

Muimbi ane mukurumbira pasi rese, Oliver Tuku Mtukudzi, ashaya neChitatu masikati muHarare mushure mekurwara kwenguva yakareba nechirwere cheshuga.
Ndira 18, 2019
Vashandi veHurumende Vanoramba Kutambira Mari Dzavavimbiswa neHurumende

Sangano rinomirira vashandi vehurumende, reApex Council, raramba kutambira mari yaravimbiswa nehurumende apo raita musangano nhasi wezvemari dzemihoro pasi peNational Joint Negotiating Council.

XS

SM

MD

LG